पप्पी सेम सेम

- लक्ष्मण गाम्नागे

हाम्रा नेता अङ्कलको कति ठूलो भुँडी
भुँडी देखी वाक्क भा’छिन् उनकै घरकी बूढी ।

सुराल–साडी फेरे जस्तै अङ्कल गाडी फेर्छन्
केही भन्नु हुन्न यिनी आँखा तरी हेर्छन् ।

अघि अघि ढोके छाते पछि लाउँछन् चम्चा
जन्ताले नै दिनुपर्ने सिँगान पुछ्ने गम्छा ।

काम गर्ने बेलामा चाहिँ जहिल्यै खट पट
हाम गर्ने बेलामा चाहिँ मिल्छन् झट पट ।

तलव, भत्ता, कमिशन र घुस पनि खाए
सम्विधान ल्याउँछु भन्थे अर्की आन्टी ल्याए ।

हाम्रा नेता अङ्कलको प्वाल परेको पेट
गोबर, गिट्टी, अलकत्रा, पचाइदिन्छ जेट ।

भूत हुन् कि भूतपूर्व हुन् छुट्याउनै गाह्रो
नाङ्ग््ै छन् कि लुगा ला’छन्, खुट्याउनै साह्रो ।

लुगा लाएर आउनू अङ्कल खेलौँ फेयर गेम्
नत्र भन्छु सेम् अङ्कल पप्पी पप्पी सेम् ।

सेम् सेम् नेता अङ्कल पप्पी पप्पी सेम्
सेम् सेम् पप्पी अङ्कल पप्पी पप्पी सेम् ।

मल आपूर्ति

किसानहरू मल नपाएर दिक्क थिए
सिंहदरबार घेर्न जान ठिक्क थिए
प्रधानमन्त्रीले यो कुरा थाहा पाएछन्
दुई सय जनाको हूल लिएर
बासै बस्ने गरी किसानहरूको गाउँ गएछन्
तीनतीन माना मासु भात हसुरेर
सबैलाई गाउँमा ‘मल’ त्याग गर्न लगाएछन्

डा. बाबुराम बालुवाटार फर्किएछन् ।

2 प्रतिक्रिया

  1. गाम्नागेलाई धन्यवाद.

  2. laxman gamnage says:

    dhanyabad Kavyakunja.

Leave a Reply to laxman gamnage

*