नाकावन्दीको दसैँ

- राकेश कार्की

बा आमा आउन पाइन

तेल छैन बसैमा

नाकावन्दीले नदिने भो

टीको थाप्न दसैँमा

 

प्लेन पनि आउन छोड्यो

ठूल्दाई अड्किनु भो दिल्लीमा

वर्षौँ पछि वल्ल आको

दसैँको बेला विचल्लीमा

 

दिदीवहिनी पनि आउँछु भन्थे

खुसी हुँदै दसैँको वेला

आज भोली भन्दा भन्दै

छीमेकिले कहिले बाटो देला

 

मन सधैँ आफ्नो प्यारो

गाउँको घरैमा

रित्तो सिलिन्डर सुम्सुमाउदै

एक्लै डेरैमा

इन्जिनियर, लस एन्जेलस

प्रतिक्रिया दिनुहोस्

*